Cruthachadh Coimhearsnachdan Ri Teachd

Ro-Radh

Tha Com-pàirteachas Dealbhadh Coimhearsnachd nan Eilean Siar den bheachd gu bheil fosgladh ann am prìomh cheàrnaidhean de na h-Eileanan Siar airson gnìomh agus cur an seilbh. Tha cothrom air leth ann airson na h-eileanan ath-bheothachadh agus na h-Eileanan Siar a bhith a' cur ris an eaconamaidh nàiseanta, agus aig an aon àm ag ùrachadh misneachd nar coimhearsnachdan agus sa chultar agus dualchas sònraichte Gàidhlig againn.

’S e ro-innleachd obrach a tha ann an Cruthachadh Coimhearsnachdan ri Teachd. Tha e a' toirt sealladh coitcheann airson ath-chruthachadh nan Eilean Siar, stèidhichte air sia iomairtean eaconamach eadar-cheangailte. Tha an ro innleachd a' toirt amas ath-chruthachaidh fad-ùine airson nan Eilean Siar, le taic bho Phlanagnìomha mionaideach, a' mìneachadh na tha sinn a' dol a dhèanamh agus na tha sinn an dùil a choileanadh.

Tha àite aig na dùbhlain sònraichte a tha mu choinneamh Cruthachadh Coimhearsnachdan ri Teachd ann am Frèam Planaidh Nàiseanta Riaghaltas na h- Alba cuideachd, le buntainneas dìreach aig Earrann 177 den Fhrèam ri na h- Eileanan Siar2.

Tha sinn a' creidsinn gum bi buannachdan cudromach a ghabhas tomhas an lùib buileachadh soirbheachail Cruthachadh Coimhearsnachd ri Teachd. Bidh cuid de na prìomh nithean a bhios rim faicinn sna h-Eileanan Siar sa bhliadhna 2010 mar thoradh air an ro-innleachd a' gabhail a-staigh:

• in-imrich soilleir air tòiseachadh agus àrdachadh follaiseach san àireamh-sluaigh
• barrachd thaghaidhean aig òigridh a thaobh “fuireach/falbh/tilleadh”
• cumhachd ath-nuadhachaidh a' toirt cosnadh do mhòran agus a' cur ris an eaconamaidh
• osnadh seasmhach air a thighinn an lùib sgaoileadh obrach
• ath-chomharrachadh nan Eilean Siar crìochnaichte agus ag obrachadh
• sealbh aig a' choimhearsnachd air barrachd stòrasan fearainn agus mara
• cothrom aig na h-uile air bann-leathann agus mòran ga chleachdadh
• ath-chruthachadh Steòrnabhaigh a' stiùireadh obair air feadh nan Eilean Siar

Coileanadh

Bhon àm a thòisich e ann an 2002, dh'ullaich Cruthachadh Coimhearsnachd ri Teachd suidheachadh airson obair leasachaidh sna h-Eileanan Siar, le buidhnean a' dèanamh feum den ro-innleachd airson na h-obrach agus stòrasan a chomharrachadh. Tha an dòigh-obrachaidh seo air leantainn gu iomadach nì a thoirt gu buil, a' gabhail a-staigh:

• trì tagraidhean airson tuathan-gaoithe mòra; grunn thagraidhean airson tuathangaoithe nas lugha agus rannsachaidhean mu lùth mara
• tagradh ris an riaghaltas agus buidhnean a thaobh bun-structar agus frèaman reachdail, a' gabhail a-staigh Scottish & Southern Energy Group a thaobh ceanglaichean ris a' ghrid
• buileachadh pròiseact bann-leathann “Coimhearsnachdan Ceangailte” agus cur air bhog ADSL gus mòran cothrom air bann-leathann a thoirt do na h-Eileanan Siar
• cur ri chèile Plana Ath-bheothachaidh Gàidhlig
• cur an seilbh gu mòr ann an goireasan cultair agus cur-seachad leithid Ionad Spòrs Steòrnabhaigh; Ionad Ealain An Lanntair; Amar-snàmh Sir E. Scott: Taigh Chearsabhaigh agus Talla Bhàgh a' Chaisteil
• fàs bliadhna an dèidh bliadhna san roinn turasachd tro bhuileachadh nan amasan air am mìneachadh ann am Plana Turasachd nan Eilean Siar
• cur an seilbh gu mòr ann am bun-structair gnothachais a' gabhail a-staigh Àirinis, Siabost agus Dalabrog
• stèidheachadh ionad comhairle “Consumer Direct” ann an Siabost agus gluasad obraichean bho Iomairt na Gàidhealtachd is nan Eilean gu Beinn na Faoghla agus Roinn nan Obraichean agus nam Peinnsean gu Steòrnabhagh

Ann na solas na chaidh a choileanadh tha an Com-pàirteachas Deabhadh Coimhearsnachd den bheachd gur e na sia iomairtean dha-rìreabh na roinnean ceart airson a' mhòr-chuid den obair. Ach tha coltas gum feumar sùil eile a thoirt air dà roinn. ’S iad sin turasachd, a tha bliadhna an dèidh bliadhna a' cur barrachd ris an eaconamaidh ionadail, agus bun-structair gnothachais/sgaoileadh obrach, a tha dlùth cheangailte ri chèile.

Mar sin bidh Turasachd air a chur ris an ro-innleachd ath-sgrùdaichte mar phrìomh iomairt agus bidh Bun-structair Gnothachais agus Sgaoileadh Obrach air an cur còmhla mar aon iomairt.

Sealladh

’S e dùbhlan leantainneach nan Eilean Siar a bhith a' dèanamh feum de na hiomairtean air am mìneachadh ann an Cruthachadh Coimhearsnachd ri Teachd gus stòrasan daonna agus corporra nan Eilean a leasachadh. ’S e ar n-amas feuchainn ri Eileanan Siar soirbheachail agus fallain a chruthachadh, stèidhichte air prionnsabalan leasachadh seasmhach.

’S e sealladh fad-ùine a tha againn airson nan Eilean Siar, ach sealladh a tha sinn a' creidsinn, le amasan ceart airson caiteachas poblach agus prìobhaideach, a leanas gu atharrachadh bunasach. Tha an sealladh againn ag iarraidh meudachadh san àireamh-sluaigh gus seirbheisean a dhèanamh seasmhach agus bidh sinn ag amas air a' mheudachadh sin a thoirt gu buil. Tha sinn airson daoine le spionnadh, beachdan agus spiorad iomairteach a thàladh chun nan Eilean Siar agus bidh sinn ag obair còmhla ri iomairt “Fresh Talent” Riaghaltas na h-Alba gus dòighean ùra a lorg a chuireas daoine ùra agus comas ùr ris a' chomas nàdarrach againn fhìn.

Leis an taic cheart tha sinn a' creidsinn gum bi na h-Eileanan Siar sa bhliadhna 2020 air a chomharrachadh le:

• àireamh-sluaigh measgaichte agus a tha a' meudachadh le structair deamografach chothromach a' toirt saorsa gluasad do òigridh mar a bhios dòighean-beatha ag atharrachadh agus cothrom air seirbheisean poblach èifeachdach
• earrann cumhachd ath-nuadhachail fiùghantach le cliù eadar-nàiseanta na bhunait airson dòighean ùra de obair eaconamach
• deagh àrainneachd, a tha a' cumail ri bith-iomadachd
• earrann phrìobhaideach a tha a' toirt taic de inbhe àrd don eaconamaidh
• gnìomhachas turasachd, a tha air na h-Eileanan Siar a chur air adhart mar cheann-uidhe cho math ’s a tha san t-saoghal
• coimhearsnachd mhisneachail, a' cleachdadh dòighean ùra de shealbh fearainn agus mara
• coimhearsnachdan a tha ceangailte ris a' chòrr den t-saoghal tro dheagh bhunstructair còmhdhail agus na siostaman conaltraidh as ùire
• Steòrnabhagh air fàs gu mòr agus air a leasachadh mar dhoras àrd-inbhe chun nan Eilean Siar
• Oilthigh na Gàidhealtachd, le lìonra de ionadan foghlaim agus mòran oileanaich a tha nam pàirt den choimhearsnachd
• iomadh seòrsa deagh ghoireas ùr sòisealta agus cur-seachad, le mòran luach air a chur air cultar agus dualchas na Gàidhlig

Ùr-ghnàthachadh Cumhachd Ath-nuadhachail

Tha comas air leth mòr aig na h-Eileanan Siar a bhith nam bunait airson cumhachd ath-nuadhachail agus àite deuchainn airson teicneolas cumhachd sheasmhach. Tha mòran stòrasan nàdarrach againn (gu sònraichte stòrasan gaoithe agus mara) agus coimhearsnachd le deagh fhoghlam agus mothachadh air teicneolas. Le na prìomh stòrasan sin cumaidh sinn a' dol ag adhartachadh leasachadh nan Eilean Siar mar Àrainn Ùr-ghnàthachadh Cumhachd.

Ach tha coileanadh comais a' cur feum air grunn cheuman cudromach, a' gabhail astaigh dòigh thèarainte air cumhachd a ghiùlan gu prìomh mhargaidhean. Gus na cothroman às-mhalairt sin fhosgladh suas feumar ceangal nan Eilean Siar ris a' ghrid nàiseanta a leasachadh gun dàil. Gu sònraichte feumaidh an Riaghaltas a bhith ag ullachadh an fhrèam reachdail agus an t seasmhachd a dh'fheumar airson na hobrach seo a mhisneachadh. Tha sinn a' cur diofar obrach romhainn gus earrann cumhachd ath-nuadhachail fiùghantach le cliù eadar-nàiseanta a chruthachadh.

Tha seo a' gabhail a-staigh taic do phròiseactan ath-nuadhachail stèidhichte sa choimhearsnachd, do shealbh na coimhearsnachd air gineadh cumhachd agus taic don h-uile coimhearsnachd gus buannachd fhaighinn bho leasachaidhean cumhachd-gaoithe malairteach. Tha sinn a' cur romhainn taic a thoirt do luchd-leasachaidh cumhachd malairteach; pròiseactan cumhachd ùr-ghnàthach agus rannsachadh agus leasachadh cocheangailte ri cumhachd.

Thar nan còig bliadhna ri teachd tha sinn an dòchas na leanas a choileanadh:

• ceangal nas fheàrr ris a' ghrid nàiseanta gus cuideachadh le cothroman àsmhalairt
• leasachadh structar gus buannachd coimhearsnachd a chur an gnìomh, a' gabhail a-staigh cur air adhart gineadh cumhachd a bhuineas don choimhearsnachd
• ciad bhuileachadh ro-innleachd haidridsean sna h-Eileanan Siar
• brosnachadh na sèine solair gus am faigh gnothachasan ionadail air buannachd fhaighinn bho leasachaidhean tuath-gaoithe
• meudachadh cliù nan Eilean Siar mar Àrainn Ùr-ghnàthachaidh Cumhachd
• taic leantainneach do phròiseactan cumhachd ath-nuadhachail stèidhichte sa choimhearsnachd

Bann-leathann

Tha an tele-chonaltradh as ùire na phàirt riatanach de shoirbheachadh nan Eilean Siar san àm ri teachd. Bidh teicneolasan fiosrachaidh agus conaltraidh adhartach a' sgaoileadh tionnsgalachd agus a' briseadh sìos cnapan-starraidh tìreil. Tha sinn den bheachd gu bheil deagh chonaltradh bann-leathann riatanach airson leasachadh ri teachd agus tha e air cùl a' mhòr-mhiann airson fàs a thoirt air an eaconamaidh. Bheir e cothrom air obair ann an coimhearsnachdan dùthchail nach robh comasach roimhe.

’S e inneal leasachaidh riatanach a tha sa bhun-structair bann-leathann ùrghnàthach, wireless, “Coimhearsnachdan Ceangailte”, a thòisich ann an 2004, a bharrachd air a bhith na sheirbheis coimhearsnachd riatanach. Misnichidh pròiseact “Coimhearsnachdan Ceangailte” barrachd sgaoileadh obrach agus cothroman a bharrachd air obair aig astar. Misnichidh e cuideachd cruthachadh cothroman gnothachais sna h-earrannan fiosrachaidh, meadhanan agus cruthachaidh.

Thar nan còig bliadhna ri teachd tha sinn an dòchas togail air tòiseachadh
“Coimhearsnachdan Ceangailte” le bhith a' coileanadh na leanas:

• Coimhearsnachdan Ceangailte na ro-shampall air lìonra bann-leathann dùthchail
• toirt gu buil làn bhuannachdan bann-leathann le leudachadh agus meudachadh
  air cleachdadh
• làrach-lìn agus cleachdaidhean coimhearsnachd a leasachadh gus barrachd
  cheanglaichean a chruthachadh eadar coimhearsnachdan
• taic a thoirt do chom-pàirteachadh digiteach tro :
  • lìbhrigeadh seirbheisean an riaghaltais ionadail agus seirbheisean slàinte ùrghnàthach don choimhearsnachd
  • lìbhrigeadh seirbheisean meadhanan ùr-ghnàthach leithid telebhisean coimhearsnachd agus Gàidhlig
  • lìbhrigeadh seirbheisean òigridh ùr-ghnàthach leithid “Young Democracy”
• meudachadh iarrtas airson bann-leathann sa choimhearsnachd gu 100%
• meudachadh 50% san àireamh de luchd-obrach san earrann obair-conaltraidh

Turasachd

Tha turasachd a' sìor fhàs cudromach do na h-Eileanan Siar, agus a' cur gu mòr ris an eaconamaidh gach bliadhna. Thar an deichead mu dheireadh tha àireamhan agus caiteachas luchd-turais air meudachadh gu mòr le taic bho sheirbheis sheasmhach air a togail air bunaitean àrainneachd, cultair agus dualchais. Còmhla, tha na trì eileamaidean sin air leth tarraingeach do luchd-turais.

Ach tha turasachd a' fàs air feadh an t-saoghail. Tha barrachd co-fharpais eadarnàiseanta bho chinn-uidhe turasachd stèidhichte agus ùra. Aig ìre nàiseanta tha Alba a' dèanamh farpais ri ceàrnaidhean eile san RA. Ann an Alba tha na h-Eileanan Siar a' farpais ri ceàrnaidhean eile den dùthaich.

Mar sin tha e riatanach gum bi turasachd sna h-Eileanan Siar a' toirt seirbheis cho math ’s a tha san t-saoghal, eadar-dhealaichte bhon chòrr de Alba agus den RA. Feumaidh turasachd sna h-Eileanan Siar strì ri bhith daonnan a' toirt seachad deagh ìre a thaobh seirbheis, cothrom air obair agus ìrean cosnaidh. Feumaidh e a bhith air a stiùireadh leis a' mhargaidh agus mothachail air iarrtasan luchd-cleachdaidh.

Thar nan còig bliadhna ri teachd tha sinn an dòchas na leanas a choileanadh

• suidheachadh Plana Ro-innleachd Turasachd ùr airson 2006 – 2010, leis an amas a bhith a' cruthachadh seirbheis turasachd cho math ’s a tha san t-saoghal
• meudachadh luach turasachd agus an àireamh de obraichean san earrann turasachd
• cur air adhart seirbheisean ann am margadh shònraichte cultair agus àrainneachd
• cur air dòigh Caisteal Leòdhais mar ghoireas airson na h-ama ri teachd
• cur air adhart bun-bheachd “bòidhchead an àite”, tro ath-chruthachadh Steòrnabhaigh agus leasachadh a h-uile doras a-steach do na h-eileanan
• meudachadh ìre agus càileachd thogalaichean sa h-uile roinn, le cudrom sònraichte air taighean-òsta; ostailean agus togalaichean oileanach

Cultar agus Dualchas

’S e na h-Eileanan Siar prìomh sgìre Ghàidhlig na h-Alba. Tha àite sònraichte aig a' Ghàidhlig ann am beatha na coimhearsnachd, leis a' chànan na phàirt den bheatha gu lèir bho chultar agus croitearachd gu foghlam agus na meadhanan. Mar sin tha cothrom sònraichte aig na h-Eileanan Siar air buannachd bhon chomas leasachaidh nàdarrach sa chànan agus sa chultar a bhuineas dha. ’S e an dùbhlan a bhith a' tionndadh an nì sònraichte seo gu buannachdan eaconamach.

Ged nach robh ullachadh san Achd Craolaidh ùr airson sianal telebhisein digiteach Gàidhlig, tha sinn fhathast den bheachd gu bheil fàs nan Meadhanan Gàidhlig a' toirt comas leasachaidh mòr do na h-Eileanan Siar. Tro chraoladairean sa phrìomhshruth, Taigh Shiphoirt agus Studio Alba, tha “baile meadhanan” mòr san roinn, a tha a' faighinn taic bho roinn meadhanan làidir neo-eisimeileach.

Tha dualchas nàdair nan Eilean Siar air aithneachadh mar a bhith den chàileachd as àirde agus tha àite cudromach aige ann an eaconomaidh agus gnè-beatha nan coimhearsnachdan ionadail. Tha sinn cuideachd a' faicinn barrachd leasachaidh air na h-ealain agus cultar mar phàirt riatanach ann an ro-innleachd eaconamach.

Thar nan còig bliadhna ri teachd tha sinn an dòchas na leanas a choileanadh:

• stèidheachadh agus buileachadh Plana Ath-bheothachaidh Gàidhlig nan Eilean Siar
• leasachadh “baile meadhanan” Steòrnabhaigh agus cur air adhart leasachadh gnothachasan co-cheangailte ri na meadhanan air feadh nan Eilean Siar
• cleachdadh teicneolas ann an lìbhrigeadh/adhartachadh leasachadh cultarail agus comharrachadh chothroman ùra malairteachais
• buileachadh Ro-innleachd Cultarail nan Eilean Siar
• leasachadh goireasan leithid An Lanntair agus Taigh Chearsabhaigh mar shàr ionadan foghlaim airson obair ealain agus leasachadh ealantais
• leasachadh dualchas arc-eòlach gus barrachd tuigse a thoirt do mhuinntir an àite agus cothroman malairteachais a mhisneachadh
• adhartachadh dualchas nàdair mar ghoireas airson turasachd agus mar dhòigh air in-thasgadh agus rannsachadh a bhrosnachadh.

Bun-structair Gnothachais agus Sgaoileadh Obrach

Tha ùidh aig an Riaghaltas ann am prògram de sgaoileadh obrach san earrann phoblach. Tha sinn a' cur làn thaic ri seo agus a' creidsinn gum bu chòir cuideachadh a thoirt don phrògram, le aonadan de mheud iomchaidh a chomharrachadh airson an sgaoileadh a-steach do choimhearsnachdan nan eilean. Tha argamaid gnothachais làidir ann airson sgaoileadh obraichean san earrann phoblach agus phrìobhaideach. Tha sgaoileadh gu na h-Eileanan Siar na fhuasgladh cosg-èifeachdach air cosgaisean làrach gnothachais ann an eaconamaidhean le ìre atmhorachd àrd ann an ceàrnaidhean eile den RA. Tha toirt a-steach comas bann-leathann a' dèanamh sgaoileadh obrach do na h-Eileanan Siar freagarrach, iomchaidh agus cosg-èifeachdach.

Tha an tairgse shoirbheachail airson an t-seirbheis comhairleachaidh luchdcleachdaidh “Consumer Direct”, air urrasachadh le DTI, a shuidheachadh sna h- Eileanan Siar cuideachd a' sealltainn a' chomais airson com-pàirteachasan poblach/prìobhaideach a chur ri chèile mar dhòigh iomchaidh air cothroman sgaoileadh obrach a thàladh. ’S e seo modail air am faodar togail airson tuilleadh coileanaidh soirbheachail.

Tha obair san eaconamaidh thraidiseanta fhathast riatanach do na h-Eileanan Siar agus bidh e riatanach gum bi gnìomhachasan leithid croitearachd; iasgach; tuathanachas-uisge agus an Clò Mòr air an cuideachadh tro amannan atharrachaidh agus ath-structaraidh.

Thar nan còig bliadhna ri teachd tha sinn an dòchas na leanas a choileanadh:

• mòran obraichean eadar-dhealaichte aig Àirinis, stèidhichte timcheall air prìomh luchd-màil stèidhichte cumhachd ath-nuadhachail
• leasachaidhean oifis/factaraidh ro-làimh aig Lìonacleit; Pàirc Iomairt a' Ghrìd; Tàbost nan Loch agus faighinn luchd-màil airson nan goireasan oifis an Dalabrog
• buileachadh ro-innleachd sgudail nan Eilean Siar, a' gabhail a-staigh goireasan inneal-brisidh anaerobaic agus goireasan ath-chuairteachaidh ùra
• ro-innleachd coiteachaidh farsaing airson sgaoileadh obrach, a bhios:
  • a' co-obrachadh leis an Riaghaltas agus le buidhnean iomchaidh gus freagarrachd agus cliù nan Eilean Siar a stèidheachadh mar àite airson sgaoileadh obrach
  • a' cur cudrom air ceàrnaidhean sònraichte obrach san earrann phrìobhaideach a dh'fhaodadh a bhith air an tarraing chun nan Eilean Siar
  • a' cur an sàs pasgan fàilte farsaing do luchd-seilbh freagarrach

Oilthigh na Gàidhealtachd

Tha Oilthigh na Gàidhealtachd (OnG) a' toirt cothrom sònraichte air rannsachadh agus ùr-ghnàthachadh a chur air adhart ann an caochladh theicneolasan. Tha cothrom aig Colaisde Caisteal Leòdhais, OnG air sàr ionadan foghlaim a thogail ann an rannsachadh agus ùr-ghnàthachadh gus taic a thoirt do na prìomh iomairtean atharrachaidh a tha air an comharrachadh sa phàipear seo, gu h-àraidh cùisean cocheangailte ri ICT, cumhachd ath-nuadhachail agus Cultar is Dualchas Gàidhlig. Cuidichidh speisealaichean leithid sin a' cruthachadh ìrean iarrtais san eaconamaidh
ionadail.

Feumaidh a' cholaisde obrachadh còmhla ri OnG agus buidhnean roinneil is nàiseanta gus cathraichean agus àrd dhreuchdan rannsachaidh is teagaisg a chur air adhart sna prìomh earrannan a tha air an comharrachadh.

Thar nan còig bliadhna ri teachd tha sinn an dòchas na leanas a choileanadh:

• leasachadh ionnsachadh eadar-lìn agus cothroman foghlam sùbailte air-loidhne co-cheangailte ri leasachadh dùthchail agus leigheas is cùram slàinte dùthchail
• stèidheachadh cothroman rannsachaidh, leasachaidh agus trèanaidh a thaobh cumhachd ath-nuadhachail agus gu h-àraidh an co-cheangal ri eaconamaidh haidridsean
• taic do leasachadh na Gàidhlig, le iomradh sònraichte air dealbhadh cànain agus leasachadh coimhearsnachd
• cothroman ionnsachaidh ùr-ghnàthach ullachadh le feuchainn a-mach agus cleachdadh fuasglaidhean teicneolach airson lìon-cheangal SMEan agus buidhnean saor-thoileach
• taic do stèidheachadh Ionad Rianachd Àrainneachd gus mothachadh a shealltainn agus a thogail de chùisean “uaine” ionadail
  

Nithean Eile

Bidh buileachadh soirbheachail nan sia iomairtean air am mìneachadh san roinnleachd seo riatanach do ath-bheothachadh agus fàs soirbheachail nan Eilean Siar. Cha bhi na h-iomairtean sin ag obrachadh leotha fhèin - tha iad air an eadarcheangal a dh'aona ghnothaich. Bheir adhartas le aon sam bith de na h iomairtean buaidh dhìreach air a' chomas gnèitheach sna còig eile.

Cuideachd cha bu chòir sealltainn air na sia prìomh iomairtean nan aonar. Bheir nithean eile buaidh orra agus air leasachadh na sgìre san fharsaingeachd. ’S e nithean a tha annta a tha cudromach san sgìre agus a' cur neart ris an ro-innleachd iomlan. Tha iad a' gabhail a-staigh:

Maoineachadh Eòrpach: Bha mòran den t-soirbheachadh a chaidh a choileanadh gu ruige seo air a dhèanamh comasach le bhith a' cleachdadh Maoineachadh Structarail na h-Eòrpa. Bha mòran maoineachadh Eòrpach air a chur an seilbh ann an caochladh phrìomh phròiseactan, leithid Àirinis agus leasachadh Colaisde a' Chaisteil. Feumar airgead-seilbh leantainneach bhon Roinn Eòrpa ma tha na h- Eileanan Siar a' dol a choileanadh an adhartais a tha air a mhìneachadh ann an amas Cruthachadh Coimhearsnachd ri Teachd.

Còmhdhail: Tha soirbheachadh eaconamaidh nan Eilean Siar an crochadh air lìonra còmhdhail adhair is mara ùr agus èifeachdach. Tha feum leantainneach air cosgaisean còmhdhail a lùghdachadh agus seirbheisean nas luaithe agus nas trice a thoirt a-steach, a tha mothachail air feuman luchd-cleachdaidh.

Coimhearsnachd: Tha am mothachadh air coimhearsnachd làidir sna h-Eileanan Siar, anns a bheil an suidheachadh pearsanta agus corporra as sàbhailte san Rìoghachd Aonaichte. Tha eucoir aig an ìre as ìsle san rìoghachd. Tha telechonaltradh ùr-ghnàthach ga dhèanamh comasach do chompanaidhean agus daoine fa leth roghainn a dhèanamh de dhòigh-beatha nas tèarainte sna h-Eileanan Siar fhad ’s a tha iad ag obrachadh ann am margadh an t-saoghail.

Àrainneachd: Tha seallaidhean agus àrainnean sònraichte sna h-Eileanan Siar anns a bheil iomadh seòrsa flùr-bheatha, fiadh-bheatha agus cur-seachad. Tha àrainneachd mara cho math ’s a tha san t-saoghal a' toirt iomadh cothrom malairt agus cur-seachad.

Eòlas, Sgilean agus Trèanadh: Tha a' chliù as àirde aig na h-Eileanan Siar airson coileanadh ann am foghlam. Tha bunait sgilean fìor mhath agus làidir san sgìre agus mòran comais air daoine a thàladh do na h-Eileanan a tha a' fuireach agus ag obair
an àiteachan eile.

Pàipear-taice I: Com-pàirtichean Dealbhadh Coimhearsnachd nan Eilean Siar

Dreuchdan na h-Alba
Comhairle nan Eilean Siar
Comhairlean Coimhearsnachd
Comunn na Gàidhlig
Comunn nam Pàrant
Cothrom Earranta
Ionad Obrach is Còrr
Colaisde a' Chaisteil
Feachd-poileis a' Chinn a Tuath
Pròiseact nan Ealan
Buidheann Dìon Àrainneachd na h-Alba
Dualchas Nàdair na h-Alba
Uisge na h-Alba
Taighean Innse Gall
Ionad Obrach Saor-thoileach nan Eilean Siar
Comhairlean airson Seirbheis Shaor-thoileach nan Eilean Siar
Seòmar Malairt nan Eilean Siar
Iomairt nan Eilean Siar
Bòrd Slàinte nan Eilean Siar
Bòrd Turasachd nan Eilean Siar
Comhairle Òigridh nan Eilean Siar

Pàipear-taice II: Frèam Dealbhadh Nàiseanta

Tha Cruthachadh Coimhearsnachd ri Teachd dealbhte airson ceangal dìreach ri Frèam Dealbhadh Nàiseanta Riaghaltais na h-Alba. Tha na h-iomairtean eaconamach san ro-innleachd air an sealltainn sa phoileasaidh nàiseanta. Tha ceangal dìreach aig Earrann 177 den Fhrèam Dealbhaidh ri na h-Eileanan Siar agus ag ràdh:

“ ’S e na h-Eileanan Siar a' phrìomh sgìre airson cultar Gàidhlig an Alba agus tha seallaidhean agus àrainneachd mara air leth annta le cudrom eadar-nàiseanta.

Tha margaidhean mòra eadar-nàiseanta ann airson cultar Ceilteach, dualchas togte agus turasachd àrainneachd.

Tha mòran buannachd sòisealta ann, le ìrean com-pàirteachaidh àrda ann an obair coimhearsnachd agus shaor-thoileach.

Tha an aimsir agus an cruth-tìre a' toirt mòran comais air feum a dhèanamh de chumhachd ath-nuadhachail, gu sònraichte cumhachd gaoithe, tuinn agus mara. ’S dòcha gum bi cothroman ann cuideachd air seirbheisean taic a thoirt do leasachadh stòrasan ola agus gas sa Chuan Siar. Tha coileanadh a' choimeis seo ag iarraidh obair cho-òrdanaichte le cudrom air ceuman airson taic, sgaoileadh agus fàs don eaconamaidh, cruthachadh obraichean àrd-inbhe, glèidheadh agus tarraing dhaoine, leasachadh ceangail agus conaltraidh, leasachadh ceanglaichean ri coimhearsnachdan san Eilean Sgitheanach agus air tìr-mòr, agus leasachadh an tsiostam sgaoileadh dealain”.