An Fhaidhir Mhuileach

Far am bi na faidhrichean is ann a bhios na pìobairean,
far am bi na pìobairean is ann a bhios na dannsairean,
far am bi na dannsairean is ann a bhios na caileagan,
far am bi na caileagan is dòcha gum bi buaireas ann.

Ho 'illean, togaibh fonn air faidhir ait th' air m' aire-sa,
cuid againn ris an òl is cuid ri mire 's aighearachd.
Bò bhainne cheannaich mi, is truagh gun tug mi dhachaigh i,
pòg mhilis thug mi dhi is chuir mi ròp air Màiri.

Sèist: Faidhrichean is pìobairean is dannsairean is caileagan,
is bò bhainne aig mac a' ghobhainn 's Màiri Anna cuide rium.
Faidhrichean, pìobairean, dannsairean, caileagan,
caileagan, dannsairean, pìobairean, faidhrichean.

Nì mise leabaidh dhomh fhìn sa chrò 's bidh leabaidh àrd aig Màiri.
Tràth èirigh nuair a dhùisg mi, b' eagalach mo bhruadaran,
tràth nòin a dh'èirich mi, bu neònach leam na chunna mi.
Seall oirre 's i na cadal, bha mo cheann na thuainealaich,
bò bhainne na mo leabaidh 's anns a' bhuaile Màiri.