A-null thar nan eileanan

A-null thar nan eileanan dh'Ameireagaidh gun tèid sinn, (x3)
a-null rathad Shasainn agus dhachaigh rathad Èirinn.

'S e siud am port a bh' againne dol seachad air Dùn Èideann, (x3)
a-null rathad Shasainn agus dhachaigh rathad Èirinn.

Tha pìoban gan spreigeadh agus feadanan gan gleusadh, (x3)
a h-uile fear le ite na bhonaid, sporan air is fèileadh.

B' e siud na gillean togarrach, b' e siud na gillean èibhinn, (x3)
b' e siud na gillean sgiobalta is b' iollagach an ceuman.

Mun d' fhàg sinn crìochan Shasainn is a dhealaich sinn ri chèile, (x3)
gum b' aighearach na caileagan a' crathadh an cuid bhrèidean.