 |
Tha Buidheann Planadh Cànain (air a
bheil Comhairle nan Eilean Siar, Comunn na Gàidhlig,
Comataidh Craolaidh Gàidhlig agus Colaiste a' Chaisteil
air an riochdachadh an co-bhoinn ri Fòram Cultar na
Gàidhlig) air Mairead A NicAoidh fhasdadh mar Cho-òrdanaiche
Planadh Cànain ‘s na h-Eileanan an Iar.
Tha Mairead (22) à Nis, Leòdhas, agus tha ì
a’ ceumnachadh bho Oilthigh Ghlaschu LLB le Urram ann
an Lagh agus Gàidhlig. Tòisichidh Mairead ‘s
an obair air Diluain 9 Og-mhios, stèidhichte ann an
Colaisd a’ Chaisteal agus ag obair còmhla ri
na buidhnean air Fòram Cultur agus Cànan.
Chaidh an obair seo a’ stèidheachadh le taic
airgead bho LEADER +, Iomairt nan Eilean Siar, Comhairle nan
Eilean Siar agus Comunn na Gàidhlig agus bithidh an
co-òrdanaiche an urra ri co-òrdanachadh a' phlana.
|
Thuirt Iain Aonghas MacAoidh, Neach-cathrach a’ bhuidheann
obraich: “Tha sinn air leth toilichte gun d’fhuair sinn
neach a tha cho freagarrach airson an dreuchd seo, ‘s e obair
air leth cudthromach a tha seo ann a bhith a’ dealbhadh cruth
a’ chànain anns na h-Eileanan an Iar anns na bliadhnachan
ri teachd.
Fios Do Luchd-deasachaidh
'S iad prìomh dhleastanasan a' phròiseact seo
- a' faighinn eòlais air na buidhnean poballach a tha
stèidhichte sna h-Eileanan Siar agus a' rannsachadh an
suidheachadh a thaobh am poileasaidhean Gàidhlig.
- a' dèanamh mion-sgrùdadh air Cunntas-sluaigh
2001 a thaobh na Gàidhlig.
- a' cur colabhairt air chois tràth sa phròiseact
le stiùireadh bho eòlaiche-cànain.
- a' cumail coinneamh as t-fhoghar le Luchd-tadhail Dhachaighean
gus fiosrachadh a thoirt dhaibh mun Sgrùdadh air Gàidhlig
sa Choimhearsnachd.
- ag ullachadh ceisteachan a thèid a sgaoileadh leis an
Luchd-tadhail Dhachaighean (Sultain-Dùbhlachd)
- a' sgrùdadh nan ceisteachain 's ag ullachadh plana-cànain
(Faoilleach - Giblean 2004)
- ag ullachadh iarrtais do Bhòrd na Gàidhlig airson
Giblean 2004 a thaobh Pròiseact Planaidh Cànain
airson nan Eilean Siar a mhaireadh 5 bliadhna.
Tuilleadh Fiosrachaidh
Cuir fios gu:
Anna NicSuain - 01851 770459
(post-dealain annie.macsween@lews.uhi.ac.uk)
Colaiste a' Chaisteil, Steòrnabhagh, Eilean Leòdhais,
Na h-Eileanan an Iar, HS2 OXR
Nigel Scott
Communications Officer
Comhairle nan Eilean Siar
Tel: 01851 709389 (Work)
Tel: 01851 706412 (Home)
Tel: 07884 236103 (Mobile)
email: nscott@cne-siar.gov.uk |
